Hierdie is ‘n denkbeeldige storie en deel van ‘n uitdaging.Lees hier om te sien wat die deelnemers alles doen: https://fresh.inlinkz.com/p/f3a95533873d4e39950509a1af369d8a
Laat ek maar eerlik wees, ek het gesukkel met hierdie een. Eerstens, soos die meeste van julle weet, ek besig was met die groot trek. En al my moeg so opgebruik was dat ek ander se moeg moes leen. Tot my brein was moeg, dit wou nie lees nie en dan glad nie verstaan wat ek lees as ek wel begin.
Volgende probleem is dat ek nie noodwendig mense bewonder of haat genoeg dat ek hulle sal saam bring vir die ete nie. So hoe gemaak.
Daarnaas, het ek verleer kos maak. Ek is alleen, so brood en heuning, of ‘n sny kaas en beker koffie is my voorland. Om boonop vir soveel mense kos te gee is n vreeslike nagmerrie..
Maar dis hoekom daar Una’s in mens se lewens moet wees. Om jou sagkens, of dreigend aan te praat. Sy laat dit so maklik klink dat ek nou wraggies hier sit en begin pad soek tussen my verdwaalde oorwerkte breinselle.
Die gaste is die moeilikste. Die mens wat ek die minste saam met my aan tafel wil hê is die narsis. Dit sal my laat opgooi aan tafel so nee, ons gaan dit nie doen nie. Hy is juis weer besig om te hoover en ek is boudjiesvol daarvoor. Toe besluit ek maar op Hitler. Ek wil in sy oge kyk, “jah woll,”skree en terselfder tyd sy maermerrie stukkend skop. Sommer. Die tweede gas het ek nou net, hierdie presiese oomblik besluit, sal my standerd 9 Afrikaanse onderwyseres wees. Want sy het my aangemoedig om te begin skryf en my opstelle in rooi verander soos wat sy raad gee en tekere gegaan het met my werk. Ek sal wil hê sy moet weet wat ek met al haar raad gemaak het en vir haar my blogs wys. Ek gaan net eers seker maak sy bring nie n rooi pen saam nie…
Daar is soveel lekker kosse en goete om daai langtafel dat ek glad nie kan besluit wat ek moet bring nie. My brein weier om oop te gaan by menu of resepte. Soooooo, hiermee, weet ek, haal ek myself baie raas op die hals..veral van Toortsie se kant af.
My beskeie, sondige bydrae is Ina Paarman se boksie tjoklit brownie (skies juffrou) alla wouwa. Ek verander haar boksie so effe. Ek doen als wat sy sê en as dit uit die oond kom, sit ek die alla wouwa by. Ek smeer ‘n dik laag karamel kondensmelk vinnig bo oor en dan gesmelte donker sjokolade. Lekker dik. Laastens rasper ek regte neute bo oor en sny in blokkies.
Heel laaste, lek ek die bikkies en bakke uit…..toe toe, moenie my so aangaap nie. Julle doen dit ook by die huis….
Sowaar, jou resep gaan ook uitprobeer word, so saam met die uitlek en al. Dis defnitief beter dat jy die narsis nie genooi het nie, want die Towerinne sou glad nie mooi met hom kon werk nie!!!
LikeLike
Bhahahaaa, ek moet dalk van plan verander want hy sukkel nou al heel oggend met my, dalk sort julle hom uit
LikeLike
Ja, stuur hom vir ons!
LikeLike
Ek gaan beslis nie hierdie resep vir my dogter wys nie, want sy sal dit onmiddellik wil uittoets. Ek sal dit bêre totdat die hele spul kinders hier is in Julie. Hoe meer mense, hoe minder brownies beland in my bord. Is jou st. 3 onderwyseres nog op die ondermaanse? Sy sal baie trots wees op jou, maak nie saak waar sy is nie. Ek hoop jou groot trekkery en pakkery het nou einde gekry.
LikeLiked by 1 person
Ja genadiglik is die trek op einde. Ek probeer nou herstel, dit was crazy veral as hy weet dis nie eers my eie trek nie
LikeLiked by 1 person
Ja, soos wat ek weet hierdie dak wat my so grensloos irriteer is nie my dak nie.
LikeLiked by 2 people
Ai is dit nog nie klasr nie??!! Ek het nog nie ipgevang met al die lees nie. Net eers die een geskryf..
LikeLiked by 1 person
Nee, ons is nou eers by episode 18 … Dit lyk asof hulle vandag gaan klaarmaak en ek moet sê, ek is ook nou geestelik klaar en moeg.
LikeLiked by 1 person
Ek verstaan dit baie goed
LikeLiked by 1 person
Daai resep klink HEMELS Bondels!
Gaan hom een of ander tyd probeer.
LikeLiked by 1 person
Dit werk lekker as jy moet poeding gee vir klomp mense. Dan gebruik ek sommer oondpan..
LikeLiked by 1 person
Ek gaan dit beslis vir daai swerm springkane van my maak 😉
LikeLiked by 1 person
Dis vingerlek lekker..
LikeLiked by 1 person
Jy laat my nou skuldig voel, my plekkie is dolleeg daar by die lang tafel.
Ek gaan daai resep prober (sorrie Toorts)
LikeLiked by 1 person
Ja toe toe, skryf girl, daar is nog plek in my kies vir iets
LikeLike
Julle mag dit met liefde probeer en elke druppel geniet.
LikeLiked by 1 person
Aaawh, dankie Toortsie❣
LikeLiked by 1 person
So bly dat jou moeg plek gemaak het vir skryf!
LikeLiked by 1 person
Dankie tannie⚘
LikeLiked by 1 person
Haai nee! Hoekom sal ek met jou raas?
Die brownies lyk lekker en ek weet die gaste gaan hulle vergryp daaraan. Ek sal dalk maar verbyhou, anders kry ek weer ‘n week daarna swaar.
LikeLike
Wel Bondels ek en jy het dieselfde man genooi….maar ek is bly jy het voorgestel om hom op sy maermerrie te skop. Ek sal ook ‘n Brownie probeer…..of twee….of drie 😊 Bly jy het genoeg woema gehad om langtafel toe te kom.
LikeLiked by 1 person
Dankie Kameel. Ja jong ek het belei ek het nog nie orals behoorlik gelees nie. Moet nog almal orals opvang. Het net hier en daar gescan. Hopelik binnekort op datum
LikeLiked by 1 person
EK het ook nog nie my tafel gedek nie……ek dink amper dis nou te laat ook. SKuus Towerinne, ek het julle gedrop..
LikeLike
Woordnoot gelukkig het ons lankmoedige vrinne, jy kan nog bydrae, Hester sal die link opsit
LikeLike
lekker!
LikeLiked by 1 person