Ek slaan my oë op na die berge en tuur lank uit oor die see…

Ek weet waar my hulp vandaan kom..

Van vroeg oggend tot laat saans, sien ek Sy skeppings krag. Hoe mooi Hy alles maak vir my. Ek kyk na die mooi, hier orals om my en drink dit diep diep in. Siels kos, maak my bene weer sterk. Ek vul my longe met Sy asem, Sy goedheid oorweldig my.

Orals waar ek sit en wag, weet ek, Hy is stil hier langsaan my. Geniet dit saam met my, beminde. Wag net, rustig saam met my.

Vir die see het Hy grense gestel, vir die voëls, berge en net so ook vir my. Om veilig in Sy genade te bly.

Ek slaan my oë op na die berge, ek tuur uit oor die see. Ek weet waar my hulp vandaan kom! My hulp is van Die Een, wat alles so mooi gemaak het. My hulp is van die Here, die Skepper van die hemel, die see, die aarde en alles wat so mooi gemaak is. Ja, ook vir my!!