Sommige van julle weet ek bly op ‘n plaas waar ons sjofars maak. Rams horings is ‘n ander bekende woord daarvoor.Dit is nogal ‘n hele proses om te maak al besef mense dit nie. Ons koop rou horings aan en verwerk dit dan. Soms kom dit nog op die kopbeen hier aan…
Waterbok
Hier is ‘n paar rou koedoes, ‘n Eland, Waterbok en rooibok horing . Al hierdie het aangekom met die binne been nog aan die horing vas.Eers word dit van die skedel afgesny en gaan dan deur ‘n kook proses om die horing en been van mekaar te skei. Soms, soos in die foto met die verskeie horings, is dit nodig om dit met baie sterk chemiese (afrikaanse spelling?) produkte te behandel aan die binnekant voor die been loskom. Dit kan tot weke duur in sommige gevalle. Wanneer die been los is, word die horing behoorlik skoon gemaak.Daarna word daar ‘n stuk aan die nou kant afgesny om die monstuk te kan maak.
Peter began dan boor en vyl en skaaf en skuur tot die mondstuk perfek is. Dit word ook aanhoudend getoets om te hoor of sy klank goed is.
Hierna word aan die buitekant van die horing geskaaf, en geskuur, met verskillende soorte instrumente .
Laag vir laag van jare se stof en reen word verwyder en dan begin die natuurlike kleur van die horing na vore kom. Dit is wonderlik om elke horing te sien verander voor ons oë en selfs 2 horings wat van dieselfde bok af kom lyk nie identies nie.Sodra dit klaar geskuur is, begin dit gebuff en poleer word. Dit neem ure en ure in beslag tot sy beste kleure en karakter sigbaar raak. Dan word dit met ‘n beskermende lagie geverf, binne en buite.
En onderstebo gehang om goed droog te word
Ons het al ‘n redelike verskeidenheid sjofars.
A – Blesbok
B – Waterbuck
C – Eland
D – Impala /Rooibok
E – Merino (Jumbo, large, medium)
F – Gemsbok / Oryx
G – Small Kudu
H – Medium Kudu
I – Large Kudu
Kyk hoe lyk die waterbok (B op foto) nou teen die heel eerste foto..
My twee gunsteling dinge van om hier te werk is eerstens om te sien hoe elke persoon wat een kom haal of bestel, sy “match” vind. Die oë begin blink en hulle klou letterlik besitlik aan die sjofaar vas asof om te sê, los, dit is myne. Amper iets soos love at first sight.
Tweedens is amper elke persoon wat hier kom, “gestuur” deur Vader om bietjie bederf te word met gebed of Woord. Wat ‘n voorreg om te sien “when Heaven meets earth ” en een van Sy kinders het ‘n ontmoeting met Hom of kry ‘n antwoord op gebed…
Dis ‘n interessante proses, ek het iets geleer!
LikeLiked by 1 person
Dankie vir die inloer⚘
LikeLike
Interessant
LikeLiked by 1 person
Dis so jy hierdie, Bondels. Op die regte tyd op die regte plek.
LikeLiked by 1 person
Dankie Una❣
LikeLike
Wow dit is n behoorlike proses en eers daarna kan hy geblaas word. Laat my dink dat ons as mense ook eers deur n proses gaan om die jare se vuil af te kry en dan eers is ons weer
“oorspronklike” en dan maak God ons mooi en beskerm ons met n lagie en dan eers kan ons groei
LikeLiked by 2 people
Presies!!! Genadiglik weet Hy hoe om die regte klank uit ons te kry⚘
LikeLike
Wou nog se ek het geleer en dit sal n belewins wees om die proses van begin tot einde te kan sien
LikeLiked by 1 person
Ek het nou op You Tube gaan luister na die klanke van die ramshoring. Dis indrukwekkend as jy daarheen dink dat die wisseling van klank eintlik teweeggebring word deur die speler – lip, tong en gesigspiere. Baie interessant, dankie Bondels.
LikeLiked by 1 person
Eers wou ek sê, sjoe, dis interessant. Toe, sjoe dis mooi. Jou laaste paragraaf is groots.
LikeLiked by 1 person
Dankie Toortsie ❣
LikeLiked by 1 person
Ek kom een van die dae myne koop….kan nie wag nie. Dankie vir die inligting. Soos met so baie dinge dink mens nie eers aan die proses nie, en dan sien jy dit op wit en swart en kadoef! tref dit jou dat alles in die lewe n proses is…..
LikeLiked by 1 person
Dis waar woordjies, sterkte ook met jou proses
LikeLike
Dis nou baie interessant. Liewe God kook en skuur al jare aan my en my klank is nogsteeds nie reg nie.
LikeLiked by 1 person
Kameel , Sy nelofte staan vas. Die skrif sê, Hy SAL die goeie werk voltooi wat Hy in ons begin het. Dis my troos vir al my vals note…
LikeLiked by 1 person
Pragtig!
LikeLiked by 1 person
Hoogs interessante proses en ongelooflik hoe mooi die horings lyk na die hele proses.
LikeLiked by 1 person
Ek is so bly dat jy uiteindelik hieroor geskryf het. Ek het nooit besef hoeveel werk nodig is om ‘n sjofar te maak nie.
LikeLiked by 1 person
Ja dit vat nogal tyd. Bly jy het gaan lees
LikeLike