Foto geleen van Facebook
Die woorde in die foto het my nogal getref. Vandat ek hier bly en werk, het ek heelwat geleentheid om met myself te gesels. Behalwe vir kliente so nou en dan, het ek nie veel ander geselskap nie. Baas en haar man is gedurig iewers op pad heen en ek kry selde besoekers, tensy ek hulle self aanry.
Eers gaan maak ek ‘n draai by al my vriendinne. Ek reis deur jare heen en hou piekniek langs die pad (in my hart) saam met die wat ek het van naby en van vêr. Harts mense. Die wat ek al baie jare ken en die wat vriendinne geword het (blogmaats) wat ek nog nooit ontmoet het. Ek bedink my pad met elkeen en wat ek met hulle deel. Ek ontdek iets wat my tot stilstand bring.
Ek gun hulle almal meer as wat ek myself gun en gee. Ek besef dat ek myself nie soveel empatie, simpatie of genade gee as wat ek iemand anders gee nie. Selfs vir wildvreemdes sal ek met liefde en verstaan toevou wanneer hulle dit nodig het, maar vir myself? Moenie glo nie…..
Ek het nog altyd geweet ek is harder op myself as met ander. Besef ek was met tye my eie ergste vyand. Selfs in swaar tye het ek nie baie simpatie met myself gehad nie. Was bang vir self bejammering, ‘n twyfelagtige luukse wat ek nie kan bekostig nie. Dus, was my gesindheid, komaan, kom by dis nie sooooo erg nie. Jy was mos ‘n sterk baba, het jou eie pram gestoot!! Ongeduld was nog altyd ‘n swakte en veral met myself. Jaag altyd voort.
Toe my moeg se moeg begin moeg word het, het ek besef ek moet halt roep en dinge stadiger begin doen. Meer kere stadig en diep asemhaal. Stadiger loop, meer stop en die mooi en lekker soek en geniet. Meer geduld met myself probeer beoefen. Meer genade met myself hê.
Die laaste jaar en paar maande, werk ek nogals daaraan om nie so rof met myself te wees nie. Ek het na myself begin kyk. Ek het lyf- en gesigroom gemaak vir myself. Instede daarvan om met spoed van weerlig myself te smeer, neem ek tyd. Ek troetel my vel, smeer tydsaam stadig aan, masseer die seer plekkies en moeë voete. Ruik diep aan die geure van mirre, frankincense en lavender.
Die weerbastige krulle wat tog so kan koek, word stadig en liefderik gekam instede van soos ‘n besetene te ruk en pluk. Ja, ek het regtig dit so gedoen toe ek jonger was, ag selfs nou die dag nog. Ek het gaan oplees oor wat mens eintlik met krulle moet doen en volg die voorstelle getrou. Eintlik was dit nie ongeduld nie, besef ek nou. Dit was liefdeloos. Ek besef dit nou.
So graag en maklik deel ek liefde uit, maar vir myself? No ways. Toe vra ek myself hoekom. En ek skrik vir die antwoord. Ek het die leuen geglo dat ek liefde nie werd is nie. Die hou het my wind uit geslaan.
Daar is gereeld vir my vertel dat “as mense weet wie jy is, sal hulle jou nie liefhê nie”. Ek kan dit verstaan, as daar groot fout is met my. Maar wat ek nooit kon verstaan nie, is hoekom sê niemand vir my wat is so verkeerd aan my dat ek nie liefgehê kan word nie.
So terwyl ek “uitpak”, ontdek ek hoeveel mense wel vir my lief is. Mmmmmm, dink ek. Dan moet daar ook iets wees wat goed is aan my? Daar moet iets wees wat die moeitewerd is om lief te hê? Ek sien ‘n piekniek mandjie wat nog bot toe staan. Bo op is ‘n pienk strik en ‘n naam op geskryf. “Joey”, staan daar geskryf en ek pluk nuuskierig aan die lint, maak die strik los.
Ek sien ‘n koevertjie en maak dit nuuskierig oop. Eers vlieg my oë vinnig oor die woorde en ek snak na my asem. Dan lees ek stadig woord vir woord…
“ Liewe Joey,
In Psalm 139 staan geskryf, jy is kunstig en wonderbaar geweef.
Yeshua het vir jou gesterf, Hy dink jy is worth it!
Ek wil jou graag leer ken, sal jy asseblief my beste este maatjie word?
Liefde
Joey”
My mond val oop, ek sluk ‘n slag. Aĺles word stil om my. Huiwerig steek ek my hand uit en stadig lig ek die deksel. Ek wil sien wat ander sien, ek wil weet wat binne is. En dalk, net dalk ontdek ek meer as deurmekaar hare en vetrolletjies…
Eish, hierdie is omtrent ń mondvol, nè. Dit bly my hart breek, die wete dat ons soveel leuens oor onsself glo. Trots op jou, my maat. Jy stap hierdie pad van jou so dapper voort al vou jy soms vooroor. Jy het Sy hand in joune, jy hou styf vas. En jy wen!!!!!!!!!!!!!!!
LikeLiked by 2 people
Sjoh Una, ek vou maar baie vooroor. Maar ek skuld myself om reg te maak. Ek weet nie hoe doen mense dit sonder Sy hand nie, ek kan waaragtiglik nie… dankie vir jou vriendskap, ek waardeer jou so baie
LikeLike
🌹🌹🌹
LikeLiked by 1 person
As jy net weet hoe deksels oulik en hoe kosbaar jy is en hoe mense OPKYK na jou, ja jy het reg gelees, opkyk, sal jy besef hoekom vyand soveel meer leuens oor jouself vir jouself vertel het… Bly jy het tot die besef/besluit gekom waarby jy gekom het.
Jy is n ‘kind’ OPREGTE human being.
Love u lots!
LikeLiked by 1 person
As jy net weet hoe deksels oulik en hoe kosbaar jy is en hoe mense OPKYK na jou, ja jy het reg gelees, opkyk, sal jy besef hoekom vyand soveel meer leuens oor jouself vir jouself vertel het… Bly jy het tot die besef/besluit gekom waarby jy gekom het.
Jy is n ‘kind’ OPREGTE human being.
Love u lots!
LikeLiked by 2 people
Dankie maatjielief, waardeer jou vriendskap!!
LikeLike
Ek dink jy is ‘n besonderse mens. Om deur te maak wat jy deurgemaak het, anderkant uit te kom en so hard te werk om te herstel, vereis iemand met spesiale moed en durf.
Dan skilder jy ook nog pragtig daarby. Neewat, jy is sommer ‘n wonderlike mens!
LikeLiked by 2 people
Baie dankie Bytjie, waardeer jou kompliment baie.❣
LikeLiked by 1 person
❤️❤️
LikeLike
Maggies, ek is gelei om hierdie stuk van jou te lees. Dis diep dinge waaroor jy hier praat. Ek voel vir jou en verstaan nogal hoe jy voel. Jy is dapper om jouself daarop te wys dat jy van jouself moet hou. Dis baie belangrik. Ek is ook n introvert en dink eintlik nie veel van myself nie. Al die jare se afkraak stomp n mens af. Dan kom daar weer n lig op soos wat nou met my gebeur het toe ek jou gevoel hier lees. Ons is nie alleen nie daar is tog wel n Hoër Hand wat help en waghou dat ons nie onsself vernietig nie. Ek het so ruk terug nogal begin dink die lewe is nie verder die moeite werd nie. Vandag wou ek dit met my kind bespreek maar kon dit nie doen nie omdat hy nie regtig op die oomblik dit verstaan nie. Ek kon wel ander belangrike dinge opnoem wat my pla. Tog die werklike gevoel wat ek gehad het kon ek nie uitspreek nie. Gelukkig is hier n vriendin wat my help om meer positief te dink.
LikeLiked by 1 person
Scrapy, dankie vir jou saam praat. Sjoe jong, ek besef meer en meer op watter gevaarlike stukkende donker plek was. Daardie piepkleun skrewie lig wat deurgekom het het my laat honger na beter, gesinder, gelukkiger. En ek het begin soek en soek en hoe meer ek kry, hoe meer soek ek en kry ek. En soos ‘n vriendelike winter sonnetjie die koue verdryf, voel ek hoe Liefde en Lewe weer my menswees begin vul….
LikeLike
Dis goed om te hoor. Jy staan al sterker en sterker teen die versoeking om jouself af te kraak. Aanhouer wen. Sterkte ek dink baie aan jou.
LikeLiked by 1 person
Ek aan jou ook Scrapy, waardeer jou inloer by my. Sterkte ook vir jou journey🌹
LikeLiked by 1 person
Daar’s ‘n park in my tuisdorp ver weg van die stad se lawaai
waar die kinders naskool in die middae kom speel en baljaai
En eendag sien ek ‘nn klein dogtertjie eenkant alleen
met traantjies wat rol oor haar sproet gesiggie heen
En ek sê: ” sproëtjies, liefling daar’s ‘n reënboog in jou oë
wil jy graag ‘n groot geheim hoor?
Almal wil graag soos jy wees
Want jys pragtig, lieflik”
En sy druk saggies my hand
En sê: “EK WENS EK ON MY DEUR JOU OE SIEN”
Jy, Tigger, is BEYOND BEAUTIFUL, DIE MOOISTE MENS WAT EK KEN!!!
EK WENS JY KON JOU DEUR ONS OE SIEN!!!
LikeLiked by 1 person
Dankie maatjie, waardeer jou mooi woorde en vriendskap
LikeLike
Kosbaar Bondels….jy praat met elke liewe mens wat hierdie blog lees…dankie dat jy so diep gedeel het. As ons tog maar ook net soos jy wil maak en onsself meer wil gun..
LikeLiked by 1 person
Dankie woordnoot, ek stel myself eintlik bloot en vulnerable met sulke skrywes maar ek wil so graag hoop aangee….
LikeLike
Ons doen, nê. Partykeer as ek klaar geskryf het wonder ek of ek moet plaas, maar het nou al besef dat mens moet. Dit bring hoop, en raak die einas aan…doe so voort, vriendin!!
LikeLiked by 1 person
Dankie liewe woordjies 🌹❣
LikeLiked by 1 person